Турција го укинува визниот режим за сириските државјани со дипломатски пасоши

Турција ги ослободи од обврската за поседување виза сириските државјани со дипломатски пасоши, според претседателска одлука објавена денес во Службен весник, пренесува Анадолу.

Ослободувањето од визи се однесува и на туристички престои до 90 дена во период од 180 дена, како и на транзитно патување низ Турција.

Одлуката, која на 27 август ја потпиша претседателот Реџеп Таип Ердоган, е донесена врз основа на член 18 од турскиот Закон бр. 6458 за странци и меѓународна заштита.