Турскиот одбранбен гигант „Аселсан“ ќе претстави автономно подводно пловило

Турската одбранбена компанија „Аселсан“ ќе го претстави своето автономно подводно пловило, „Деринѓоз“, на водечкиот настан за поморска одбрана ТЕХНОФЕСТ „Сина татковина“, што започнува денес, јавува Анадолу.

Пловилото ќе ги демонстрира своите способности во поморското бродоградилиште „Ѓолџук“ во северозападната турска област Коџаели.

Ќе биде изложено до недела.

„Деринѓоз“ е развиен за мисии за откривање и неутрализирање мини, за обезбедување на пристаништата, како и за заштита на клучната подводна инфраструктура, следење на цевководи и подобрување на подводното истражување.

Неговите автономни капацитети за мисии овозможуваат истражување и надзор во ризични и тешко достапни длабочини под вода со минимална човечка интервенција.