Францускиот претседателски кандидат Атал цел на две нови операции на наводно руско мешање

Лидерот на француската партија Препород и претседателски кандидат, Габриел Атал, бил цел на две нови операции на руско мешање, објави денес БФМТВ, пренесува Анадолу.

Двете најнови операции го зголемија бројот на наводни руски операции за мешање насочени кон Атал, поранешен премиер, на вкупно четири во период од две недели.

Извори за БФМТВ изјавија дека една од операциите вклучувала 10 лажни извештаи и лажни насловни страници од весници што циркулирале на социјалните медиуми вчера, ширејќи лажни информации за здравјето на Атал и изнесувајќи лажни обвинувања за корупција.

Втората операција, на 12 август, вклучувала видео генерирано од вештачка интелигенција на кое се прикажани карикатури на поранешниот премиер проектирани на Пантеонот во Париз, од која една со навредливи пораки.

Лидерот на партијата Хоризонти и поранешен премиер Едуар Филип и членот на Европскиот парламент Рафаел Глуксман, двајцата се сметаат за потенцијални претседателски кандидати, исто така, неодамна беа цел на слични операции.

Адвокатите на Атал рекоа дека тој поднел жалба на 7 август за „странско мешање“, додека Глуксман го сторил тоа на 12 август.