САД: Најмалку четири лица застрелани во Вашингтон

Најмалку четири лица се застрелани денес при пукање во населбата Логан Серкл во Вашингтон, објавија локалните медиуми, повикувајќи се на полицијата, пренесува Анадолу.

Властите ги повикаа жителите и патниците да ја избегнуваат областа во близина на 15. Северозападна улица и Северозападната улица П, додека тимот за итни интервенции на полицијата на Вашингтон излезе на местото на настанот, објави Си-ен-ен.

Десетици полициски возила беа распоредени во областа, додека полициските хеликоптери кружеа над подрачјето. Полицајците ги блокираа улиците на неколку околни блокови додека органите за спроведување на законот работеа на обезбедување на местото на настанот.

Наредба за засолнување беше на сила и за големи делови од населбите Дупон Серкл и Логан Серкл, според два извора информирани за ова прашање, објави Си-ен-ен.

Полицијата предупредила за активен вооружен напаѓач за време на утринскиот сообраќаен метеж.

Покрај предупредувањето од полициски службеник упатено до пешаците, засега нема дополнителни информации за пукањето, здравствената состојба на повредените, ниту дали осомничениот е приведен.