Казахстанскиот претседател ја распушти Владата по парламентарните избори

Казахстанскиот претседател, Касим-Жомарт Токаев, денес потпиша декрет за распуштање на Владата, откако централноазиската земја ги одржа првите парламентарни избори според новиот еднодомен парламентарен систем, јавува Анадолу.

Декретот беше објавен од прес-службата на казахстанскиот претседател по неделните избори за новиот Парламент на земјата.

Според декретот, Кабинетот ќе продолжи да ги извршува своите должности сè додека новата Влада не биде одобрена од Парламентот, познат како Курултај.

Викендов одржаните избори беа први за новиот 145-член Курултај на Казахстан, кој го замени поранешниот дводомен Парламент по усвојувањето на новиот Устав претходно оваа година.