Израелско беспилотно летало гаѓаше булдожер на либанската армија при расчистување пат во Мансури

Израелско беспилотно летало фрлило звучна бомба во близина на булдожер на либанската армија додека расчистувал пат во јужниот либански град Мансури, јавија денес државните медиуми на Либан, пренесува Анадолу.

Според Националната новинска агенција, булдожерот бил цел на нападот за време на операцијата за расчистување на патот.

Агенцијата јави дека израелската армија го бомбардирала и подрачјето Вади ал-Хуџеир.

Во извештајот се додава дека израелската артилерија го гранатирала и јужниот град Мајс ал-Џабал, при што нападот бил проследен со митралески оган кон областа.

Најновите напади се случија откако Бејрут и Тел Авив вчера ја завршија седмата рунда директни преговори со посредство на САД.

Двете земји на 26 јуни потпишаа рамковен договор со посредство на САД, со кој се предвидува фазно повлекување на израелските сили од окупираната либанска територија, почнувајќи со примена на пилот-модел во одредени области.

Израел ја продолжува воената офанзива во Либан од 2 март. Според либанското Министерство за здравство, во нападите досега загинале 4.333 лица, а 12.250 се повредени.