Agim Sulaj
21 Септември 2026•Ажурирано: 21 Септември 2026
Студенти од Универзитетот „Хасан Приштина“ во Приштина одржаа протестен марш поради одлуката на Специјалниот суд во Хаг за четворицата поранешни лидери на Ослободителната војска на Косово (ОВК), јавува Анадолу.
Студентите, придружени од голем број граѓани, маршираа од Студентскиот центар во Приштина до плоштадот „Скендербег“, каде што е истакнат транспарент со ликовите на Хашим Тачи, Кадри Весели, Реџеп Селими и Јакуп Красниќи.
„ОВК“ и „Не во мое име“ беа дел од паролите што ги извикуваа студентите за време на маршот.
Студентот Гранит Спахиу изјави дека студентите никогаш нема да застанат на страната на неправдата.
„Како генерација родена по војната, која не ја доживеа војната на нашите татковци, мајки, браќа и сестри, наша должност е да не ја заборавиме нивната жртва во името на најголемото име ОВК“, рече Спахиу.
За време на студентскиот марш на универзитетот во Приштина, студентот Донарт Хумоли изјави дека младите од Косово не го прифаќаат тоа што го сметаат за неправедно судење на оние што ја обезбедија слободата на земјата.
Според него, не постои суд или одлука што ќе го смени начинот на кој младите во Косово гледаат на ослободителите.
„Затоа, не прифаќаме никаква осуда – било да е таа неправедна или осудувачка – на оние што ни ја овозможија оваа слобода“, нагласи Хумоли.
Студентите на протестот пуштија бели гулаби кон негото како симбол на слободата.
На 16 септември Специјалниот суд ги прогласи Тачи и Красниќи за виновни и ги осуди на по 25 години затвор, Весели беше осуден на 18 години, а Селими на 13 години. Оваа пресуда е донесена во прв степен, а страните имаат право на жалба.
Поранешните лидери на ОВК беа осудени за воени злосторства, вклучително и незаконско и неселективно лишување од слобода, сурово постапување, мачење и убиства.
