عێراق.. ژمارەی تووشبووان بە کۆرۆنا بەرزبوویەوە بۆ ٢٣٣ کەس

بەغدا - AA

وەزارەتی تەندروستیی و ژینگەی عێراق، تۆمارکردنی ١٩ حاڵەتی دیکەی تووشبوون بە ڤایرۆسی كۆرۆنای نوێ (COVID-19)ی رایگەیاند.

لە راگەیەندراوێکی وەزارەتی تەندروستیی و ژینگەی عێراق هاتووە "لەمیانی ئەنجامدانی پکشنین بۆ ١٠٦ حاڵەتی گوماناوی دەرکەوتووە کە ١٩یان پۆزەتیڤ بوون".

وەزارەتی تەندروستیی و ژینگەی عێراق لە راگەیەنراوەکەیدا باسی لەوەکردووە کە ئەو ١٩ حاڵەتەی تووشبوون بە ڤایرۆسی کۆرۆنا؛ پێنجیان لە بەری رەسافەی شاری بەغدا، یەکیان لە بەری کەرخی شاری بەغدا و دوویان لە شاری بزیشکیی شاری بەغدا، دوویان لە نەجەف، یەکیان لە کەربەلا، یەکیان لە پارێزگای موسەننا، یەکیان لە هەولێر و شەشەکەی دیکەش لە سلێمانی؛ تۆمارکراون.

بەپێی راگەیەندراوەکە، سێ حاڵەتی دیکەی گیانلەدەستدان بە جۆری نوێی ڤایرۆسی كۆرۆنا (COVID-19) لە شاری پزیشکیی شاری بەغدا تۆمارکراوە و پینج تووشبووی دیکەیش لە بەری کەرخی شاری بەغدا چاکبوونەتەوە.

بەوەیش ژمارەی تووشبووان بە ڤایرۆسی کۆرۆنا لە عێراق بەرزبوویەوە بۆ ٢٣٣ کەس کە تا ئێستا ٥٧یان چاکبوونەتەوە و ٢٠شیان گیانیان لەدەستداوە.