بۆ ٤ شار لە باشووری سعوودیە ئاگادارییەکی دۆخی لەناکاو ڕاگەیەندرا

بەڕێوەبەرایەتی گشتی بەرگریی مەدەنیی عەرەبستانی سعوودیە، پەیامێکی ئاگادارکردنەوەی بڵاوکردەوە لەبارەی مەترسییە ئەگەرییەکان لە شارەکانی خەمیس موشەیط، ئەبها، جازان و نەجران لە باشووری وڵاتەکە.

بە ڕاگەیاندنێک کە بەڕێوەبەرایەتی گشتی بەرگریی مەدەنی لە هەژماری خۆی لە پلاتفۆرمی تۆڕە کۆمەڵایەتییەکەی کۆمپانیای ئەمریکی X بڵاوی کردەوە، ئاگادارییەک لە دژی هەر دۆخێکی لەناکاو کە لە خەمیس موشەیط، ئەبها، جازان و نەجران ڕووبدات، دەرکرا.

لە ڕاگەیاندنەکەدا جەخت لەوە کرایەوە کە بۆ پاراستنی گیان و سامانەکانی هاووڵاتیان و دانیشتووانی ناوچەکە، پێویستە پابەندی پرۆتۆکۆلەکانی دۆخی لەناکاو بن و ڕێنمایی و ئاگادارییەکانی دەسەڵاتە پەیوەندیدارەکان بە جدی وەربگرن.