Të premten fillojnë Lojërat Olimpike të Tokios

Lojërat Olimpike Verore, të 32-tat me radhë, do të mbahen nga data 23 korrik deri më 8 gusht në kryeqytetin e Japonisë, Tokio, raporton Anadolu Agency (AA).

Organizimi me më së shumti pjesëmarrës sportistë në histori ishin Lojërat e vitit 2016 në Rio.

Në Lojërat Olimpike në Rio de Janeiro të Brazilit morën pjesë gjithsej 11.238 sportistë. Me këtë, Rio tejkaloi edhe Lojërat Olimpike të Pekinit në vitin 2008. Në lojërat të cilat u zhvilluan në kryeqytetin e Kinës, Pekin morën pjesë 10.942 sportistë.

Ndërkaq, Olimpiada e parë e vitit 1896 e organizuar në Athinë, u regjistrua si organizimi me pjesëmarrje më të ulët ku morën pjesë 241 sportistë ndërsa nuk mori pjesë asnjë sportiste femër.

Femrat për herë të parë në terren në vitin 1900

Femrat të cilat nuk morën pjesë në lojërat e para olimpike, për herë të parë dolën në terren në vitin 1900 në Paris.

Në lojërat e organizuara në kryeqytetin e Francës, morën pjesë 22 femra.

Më së shumti femra garuan në Rio

Olimpiada e Rios ishte organizimi ku morën pjesë më së shumti sportiste femra.

Në lojërat në Brazil morën pjesë 6.178 meshkuj dhe 5.060 femra.

Lojërat Olimpike dhe sportistët pjesëmarrës janë si në vijim: