Portieri turk Altay Bayindir i bashkohet Celta Vigos

Klubi anglez Manchester United ka huazuar portierin e kombëtares turke, Altay Bayindir, te skuadra spanjolle e La Ligës, Celta Vigo, me një opsion blerjeje, transmeton Anadolu.

“Celta Vigo dhe Manchester United kanë arritur një marrëveshje në lidhje me transferimin huazues të Altay Bayindir, i cili përfshin një opsion blerjeje”, thuhet në një deklaratë të klubit spanjoll.

Celta Vigo tha se Bayindir u bë lojtari i parë turk në historinë e Manchester Unitedit kur ai iu bashkua klubit nga Fenerbahçe në vitin 2023.

Portieri 28-vjeçar do të udhëtojë direkt në Itali për t'u bashkuar me kampin stërvitor parasezonal të Celta Vigos nën drejtimin e trajnerit Claudio Giraldez.

Ai pritet të luajë në miqësoret parasezonale të skuadrës kundër Sassuolos dhe Napolit.