Три Палестинки повредени во израелски напади низ Појасот Газа и покрај прекинот на огнот

Три Палестинки се повредени денес во одделни израелски напади низ Појасот Газа, во услови на продолжени секојдневни прекршувања на договорот за прекин на огнот, што е во сила од 10 октомври 2025 година, јавува Анадолу.

Медицински извор за Анадолу изјави дека две жени биле повредени откако израелските сили отвориле оган врз палестинските домови и шаторите за раселени лица во бегалските кампови Нусејрат и Бурејџ во централниот дел на Газа.

Третата Палестинка се здобила со тешки повреди во израелско артилериско гранатирање источно од Џабалија ел Балад, во северниот дел на Појасот Газа, соопшти изворот.

Според најновите податоци на Министерството за здравство во Газа, во израелските прекршувања на договорот за прекин на огнот од октомври 2025 година досега загинале 1.386 Палестинци, а 4.784 биле повредени.

Од 8 октомври 2023 година, Израел убил повеќе од 73.000 Палестинци и повредил над 174.000 други во, како што се наведува, геноцидот во Газа, при што се уништени околу 90 отсто од инфраструктурата во енклавата.