Саудиска Арабија ја укина тревогата издадена за јужната провинција

Саудиската Служба за Цивилна заштита денес соопшти дека опасноста е помината, откако претходно издаде предупредување за можна опасност во јужната провинција Наџран, јавува Анадолу.

Од Службата за Цивилна заштита соопштија дека опасноста во Наџран е помината, без да ја прецизираат природата на заканата.

Агенцијата претходно издаде итно предупредување за можна опасност за Наџран преку Националната платформа за рано предупредување.

Во саботата, Службата за Цивилна заштита издаде предупредувања за можна опасност во главниот град Ријад, како и во провинциите Ал-Карџ и Фарасан на југот на земјата. Ова се случува во услови на ескалација на тензиите со Хусите во Јемен, кои најавија таканаречена „поморска блокада“ на саудискиот бродски сообраќај во Црвеното Море и извршија ракетни напади и напади со беспилотни летала врз саудиска територија.

Саудиска Арабија предводи коалиција што ја поддржува меѓународно признатата Влада на Јемен во борбата против Хусите уште од март 2015 година; Хусите ги контролираат главниот град Сана и неколку провинции од септември 2014 година.