Коалицијата предводена од Саудиска Арабија: Сто борбени авиони учествуваа во операцијата во Јемен против Хусите

ИСТАНБУЛ (АА) – Коалицијата предводена од Саудиска Арабија денес соопшти дека 100 борбени авиони учествувале во тековната воена операција „Зора на Јемен“ против Хусите, пренесува Анадолу.

Од коалицијата наведоа дека од почетокот на операцијата биле уништени 324 „цели од висока вредност“.

Во одделни соопштенија тие истакнаа дека обезбедуваат деноноќна воздушна поддршка за јеменските владини сили на терен и заштита од воздух на теснецот Баб ел-Мандеб, додавајќи дека продолжуваат операциите против мобилните цели.

Јеменската војска ја започна операцијата „Зора на Јемен“ против Хусите, при што владините сили напредуваат во неколку области.

Портпаролот на јеменската војска, потполковник Маџид Абдула ал-Нузајли, изјави дека владините сили – вклучително и провладините бригади „Јужни гиганти“ и силите „Штит на нацијата“ – ја презеле контролата врз Баб ел-Мандеб.

Исто така, тој рече дека владините сили ја презеле контролата врз аеродромот во Дубаб и го пресекле патот меѓу Дубаб и Мока, воспоставувајќи контрола врз него.