Zana Natık Kerem
02 نیسان 2019•نوێکردنەوە: 02 نیسان 2019
ئیستانبوڵ ــ AA
نرخی خاوی برێنت بۆ یەکەمجار لە میانی ساڵی ٢٠١٩دا بەرزبوونەوەیەکی بەرچاوی لە بازاڕەکانی جیھاندا، تۆمارکرد و ھەر بەرمیلێکی بە ٦٩ دۆلار و ١٨ سەنت مامەڵەی پێوەدەکرێت.
رێککەوتنەکەی ئۆپێک بۆ کەمکردنەوەی ئاستی بەرھەمھێنان لەگەڵ دابەزینی ئاستی بەرھەمھێنان لە رووسیا، کاریگەریان ھەبووە لەسەر بەرزبوونەوەی نرخی خاوی برێنت لە بازاڕەکانی جیھاندا.
بەپێی داتاکانی وەزارەتی وزەی رووسیا، ئاستی بەرھەمھێنانی ئەو وڵاتە لە مانگی رابردوودا، دابەزینی تۆمارکردووە و گەیشتووەتە ١١ ملیۆن و ٢٩ ھەزار بەرمیل لە رۆژێکدا.
لە سەرەتای ئەمساڵ وڵاتانی ئەندام لە رێکخراوی ئۆپێک و بەرھەمھێنەرانی سەربەخۆ بەڕابەرایەتی رووسیا گەیشتن بە رێککەوتنێک کە بۆ ماوەی شەش مانگ ئاستی بەرھەمھێنان بە بڕی یەک ملیۆن و ٢٠٠ ھەزار بەرمیل لە رۆژێکدا کەم بکەنەوە.
لە کاتژمێر ٠٦:٤٥ نرخی خاوی برێنت لە بازاڕەکانی جیھاندا، بەڕێژەی ٠،٢٣ لەسەدا بەرزبوویەوە و ھەر بەرمیلێکی بە ٦٩ دۆلار و ١٨ سەنت مامەڵەی پێوەدەکرێت.
ھەروەھا نرخی خاوی ئەمریکا لە بازاڕەکانی جیھاندا، بەڕێژەی ٠،٢٤ لەسەدا بەرزبوونەوەی تۆمار کرد و ھەر بەرمیلێکی بە ٦١ دۆلار و ٧٥ سەنت مامەڵەی پێوەدەکرێت.