Li Rojhilatê Anadoluyê berf tê payîn û hewa sar e

Li Erzirom, Erdexan, Qers û Tunceliyê tê payîn ku berf bibare û hewa sar e.

Li Erziroma ku germahiya wê bi şev di binê sifirê da 2 pile hat pîvan, li ser rê û peyarêyan qeşa çêbû.

Li bajarê ku welatiyan wesayîtên xwe yên parqkirî bi betaniyan pêçan ku ji sermayê biparêzin, li ser banên xanî û kargehan qeşa çêbû.

- Erdexan

Li Erdexanê germahiya herî kêm a bi şev di binê sifirê da 7 pile hat pîvan.

Ji ber sermayê rûyê çeman qeşa girt.

Li bajêr îro berf tê payîn, li deverên bilind berfê dest pê kir.

- Tuncelî

Li Tunceliyê jî hewa sar e û berfê dest pê kir.

Kuçe û kolan bi berfê nixumîn, ekîb berfê paqij dikin.

Hin welatiyan berfa li ser wesayîtên xwe paqij kir.

Germahiya hewayê ya bi şev di binê sifirê da pileyek hat pîvan.

- Qers

Li Qersê jî termomêtroyan germahiya hewayê ya bi şev di binê sifirê da 5 pile nîşan da.

Ji ber sermayê bi banê xaniyan va şembelûk çêbûn.

Ekîbên şaredariyê berf û qeşayê paqij dikin.

Li Sariqamîşê jî ekîbên şaredariyê berfa li ser kolanan bi kamyonan birin dervayî navçeyê.