Serokomar Erdogan çû Azerbeycanê

Serokomar Recep Tayyip Erdogan, li ser vexwendina Serokomarê Azerbeycanê Îlham Aliyev çû Qerebaxê.

Alîkarê Serokomar Cevdet Yilmaz, Waliyê Stenbolê Davut Gul û Serokê Bajarê Stenbolê yê AK Partiyê Abdullah Ozdemir ji Balafirgeha Ataturkê, Serokomar Erdogan bi rê kir ku ji bo Roja Serkeftinê ya Azerbeycanê çû wir.

Emine Erdogana xanima Serokomar Erdogan, Wezîrê Karên Derva Hakan Fidan, Wezîrê Çandinî û Daristanê Îbrahim Yumakli, Serokê Teşkilata Îstixbarata Neteweyî (MÎT) Îbrahim Kalin, Serokê Ragihandinê yê Serokomariyê Burhanettin Duran, Serşêwirmendê Siyaseta Derva û Ewlehiyê yê Serokomariyê Akif Çagatay Kiliç, Alîkarê Serokê Giştî yê AK Partiyê û Serokê Têkiliyên bi Dewletên Tirk ra Kurşad Zorlu û Serokê Konseya Rûspiyan a Teşkilata Dewletên Tirk (TDT) Binali Yildirim jî ligel Serokomar Erdogan çûn.

Serokomar Erdogan dê di çarçoveya serdanê da bi Serokomarê Azerbaycanê Îlham Aliyev ra hevdîtina rûbirû pêk bîne.

Hat ragihandin ku her du lîder dê di hevdîtinê da hevkariya di navbera Tirkiye û Azerbeycanê da di gelek waran da binirxînin û her wiha li ser geşedanên herêmî û gerdûnî bi hev bişêwirin.