Li Qers û Erdexanê germa hewayê bi şev 3 pile ket binê sifirê

Li Herêma Rojhilatê Anadoluyê bi şev germa hewayê di binê sifrê da bi 3 pileyî va li Qers û Erdexanê hat pîvan.

Li gor daxuyaniya ku ji Midûriya Herêma 12em a Meteorolojiyê hat dayîn, li tevahiya herêmê hewa wê ewrsayî û kêmewrayî derbas bibe.

Li gor texmînê germa hewayê ya li herêmê wê di navbera 2 û 4 pileyan da ji şertên demsalê zêdetir bibe.

Li herêmê bi şev germa hewayê ya herî kêm di binê sifirê da bi 3 pileyî va li Qers û Erdexanê hat pîvan.

Bi şev germa hewayê ya herî kêm li Agiriyê di binê sifirê da pileyek, li Erziromê pileyek, li Îdir û Erzincanê 5, li Tunceliyê 6 pile hat pîvan.

Nava rojê germa hewayê ya herî zêde jî li Tunceliyê 26, li Îdir û Erzincanê 23, li Agirî û Qersê 20, li Erziromê 19 û li Erdexanê 18 pile tê payîn.