Serokomar Erdogan gihîşt Azerbeycanê

Serokomar Recep Tayyip Erdogan ji bo beşdariya Zîrweya Avûhewayê ya Lîderên Dinyayê ya Konferansa Aliyan a 29emîn a Peymana Çarçoveyê ya Veguherîna Avûhewayê (COP29) ya Neteweyên Yekbûyî (NY) bi balafira taybet "CAN"ê gihîşt paytextê Azerbeycanê Bakûyê.

Wezîrê Karên Derva yê Azerbeycanê Ceyhûn Bayramov, Balyozê Tirkiyeyê li Bakûyê Cahît Bagci û jina wî Leyla Bagci, Fermandarê Grûbê yê Hêza Peywira Azerbeycanê Korgeneral Bahtiyar Ersay û Ataşeyê Eskerî Tuxgeneral Gaffar Goren li Balafirgeha Navneteweyî ya Haydar Aliyev pêşwazî li Serokomar Erdogan kirin.

Wezîrê Karên Derva Hakan Fidan, Wezîrê Vejen û Çavkaniyên Siruştî Alparslan Bayraktar, Serşêwirmendê Serokomar ê Polîtîkayên Derva û Ewlekariyê Akif Çagatay Kiliç, Serokê Ragihandina Serokomariyê Fahrettin Altun û Serokê Teşkîlata Îstixbarata Neteweyî (MÎT) Îbrahîm Kalin jî digel Serokomar Erdogan gihîştin Bakûyê.