Artêşa Îsraîlê li başûrê Libnanê agir berda nexweşxaneya dewletê

Li gor NNAya ajansa nûçeyan a fermî ya Libnanê eskerên Îsraîlê li Nexweşxaneya Dewletê ya Meys el-Cebelê şewat derxist.

Nexweşxane li xeta sînor li bajaroka Meys el-Cebelê ya di bin dagiriya Îsraîlê da cî digire.

Di dîmenên ku li ser çapemeniya civakî hatin parvekirin da hat dîtin ku ji nexweşxaneyê dûman bilind dibe.

- Êrîşên Îsraîlê yên li Libnanê û pêvajoya agirbestê

Artêşa Îsraîlê di 2yê adarê da dijî Libnanê gelek êrîş dabûn destpêkirin û li tevahiya welêt bi dehan bajarok dagir kiribûn.

Hikûmeta Libnanê eşkere kiribû ku bi êrîşan ra jimara kesên ji cihên xwe hatin kirin ji milyonekî derbas bû.

Agirbesta ku di navbera Libnan û Îsraîlê da di 17ê nîsanê da ket meriyetê paşê çend caran hatibû dirêjkirin.

Wezareta Tenduristiyê ya Libnanê di daxuyaniya xwe ya dawîn da ragihandibû ku di êrîşên Îsraîlê yên ji 2yê adarê va kirin da herî kêm 4 hezar û 386 kes hatin kuştin.

Ji hêla din va piştî tura 5emîn a mizakereyên rasterast ên li Washîngtonê di navbera Îsraîl û Libnanê hatin kirin di 26ê hezîranê da di navbera Libnan û Îsraîlê da peymana çarçove hatibû îmzekirin.